Izmir Smajlajn të tërhiqet nga Europiani i Skocisë

Izmir Smajlaj është tërhequr nga kampionati europian, që ka nisur në ditën e parë të marsit në Skoci. Smajlaj u dëmtua para 6 ditësh në një seancë stërvitore në Londër, e pavarësisht impenjimit të mjekëve për tërheqjen muskulore, gara u bë e pamundur.

Në këtë garë, Atletika shqiptare kishte vetëm dy atletë dhe tani shpresat për medalje kalojnë nga Luiza Gega. Ajo do të garojë në disiplinën e 3.000 metrave.

Pas medaljes së artë në Ballkaniadën e zhvilluar në Stamboll, dy javë më parë, atletja kuqezi do të synojë më 3 mars zonën e medaljeve edhe në këtë turne europian.