Joao Felix zyrtarizohet te Atletico: Nuk dua të jem Ronaldo, por …

Atletico Madrid ka prezantuar zyrtarisht blerjen më të shtrenjtë në historinë e klubit, Joao Felix. Ylli portugez do të mbajë mbi shpinë fanellën me numrin 7, teka ka thënë edhe fjalët e para si lojtar i “Los Colchoneros”.

“Jam këtu për të shkruar historinë time. Dua të mbahem mend si Joao Felix. Ai është Cristiano Ronaldo dhe unë Joao Felix. Ai është një futbollist i madh dhe aktualisht më i mirë në botë. Më ka thënë shumë gjëra për Madridin, një qytet që e pëlqen shumë.

Nuk dua ta vendos veten nën presion. Ndonjëherë dëgjojmë gjëra të mira dhe herë të tjera jo. Dua vetëm të bëj punën time, që ta ndihmoj sa më shumë ekipin. Benfica është një ekip special për mua, do ju jem shumë mirënjohës. Kam marrë mesazhe të shumta nga shumtë futbollistë, të cilët më kanë uruar fat”, deklaroi Joao Felix që u transferua te Atletico për shifrën e 126 milionë euro. /R.Lika-Koha Jone/