Juve para finales së Champions, mbrojtësi Chiellini mbetet në “spital”

Lideri i mbrojtjes së Juventus-it, Chiellini, është dëmtuar në stërvitjen e djeshme dhe mban në ankth bardhezinjtë.

Stafi mjekësor nuk duket aspak optimist për rikuperimin e lojtarit në kohë, ndaj dhe trajneri Allegri nis punën për të gjetur alternativat e reja.

Sipas trajnerit livornez, nëse Chiellini nuk ja del mbanë të kthehet, në mbrojtje do të aktivizohet Ogbonna.

Në këtë mënyrë do të ndryshojë edhe skema e lojës, pasi Allegri kishte planifikuar të luante me 3-5-2 klasik, por tashmë do t’i duhet ta kthejë ekipin tek 4-3-1-2.

Në këtë mënyrë në prag të finales së madhe, Allegri ka probleme me mbrojtjen, pasi Chiellini mbetet në “spital” dhe Barzagli sapo është kthyer dhe nuk është në formën më të mirë.

I vetmi lojtar në formë të mirë është Bonucci, i cili do ta ketë të vështirë të mbajë i vetëm Messi-n, Neymar-in dhe Suarez-in.