Juventus beson ende, 10 përmbysjet që frymëzojnë bardhezinjtë

Juventus beson ende te përmbysja. Pas humbjes 2-0 në “Wanda Metropolitano” ndaj Atletico Madrid, bardhezinjtë do të provojnë që të përmbysin gjithçka në duelin e kthimit që do të luhet në “Allianz Stadium” në Torino më 12 mars. Skuadra torineze e ka për obligim për të besuar te një rezultat që mund t’i deri në fazën tjetër. Mediat italiane kanë publikuar 10 rastet, për të shtuar shpresat e bardhezinjve në kompeticionin më të rëndësishëm për klube.

CHELSEA-BARCELONA (1999-2000)

Blutë e Londrës fituan 3-1 në “Stamford Bridge” në raundin çerekfinal, por kthimi në “Camp Nou” rezultoi ndryshe. Katalanasit i shkatërruan londinezët në duelin e kthimit, duke i mundur 5-1 dhe siguruar kualifikimin për në gjysmëfinale. Real Madridi triumfoi në atë finale ndaj Valencias.

MILAN-DEPORTIVO LA CORUNA (2003-2004)

Fitorja e Milanit në “San Siro”, në çerekfinalen e parë kundër Deportivo, ishte me shifrat 4-1. Me siguri mbahen mend golat e Kaka, Pirlo dhe Shevchenko, pas atij të Pandiani, që zhbllokoi sfidën. Në duelin e kthimit në Spanjë, spanjollët fituan 4-0 dhe eliminuan formacionin e drejtuar nga Carlo Ancelotti.

REAL MADRID-MONACO (2003-2004)

Pas ndeshjes së parë në “Bernabeu”, me fitoren 4-2 të “Los Blancos”, në çerekfinale, skuadra e Principatës ia doli të përmbysë disfatën me fitoren 3-1 në Francë dhe të kalojë në gjysmëfinale. Kjo, falë golave të shënuar në transfertë. Pastaj, trofeun e fitoi Porto në finalen kundër Monaco.

BAYERN MUNICH-INTER (2010-2011)

Zikaltrit humbën 1-0 në “San Siro” kundër Bayern Munich, në raundin e dytë të Champions-it (2010-2011), në ndeshjen e parë. Në kthim i sulmuan bavarezët për të fituar me rezultatin 2-3. Goli i Pandev i shërbeu Interit për t’u kualifikuar më tej.

NAPOLI-CHELSEA (2011-2012)

Napoli i Mazzarrit e mundi Chelsea 3-1 në “San Paolo”, në ndeshjen e parë të 1/8 finale. Në Londër, megjithatë, Di Matteo dhe “Blues” fituan me të njëjtin rezultat në 90 minutat e kohës së rregullt. Në kohën shtesë, londinezët shënuan dy gola më shumë, për ta mbyllur kualifikimin në çerekfinale me shifrat 5-1. Chelsea do ta fitonte trofeun përmes finales kundër Bayern Munich.

MILAN-BARCELONA (2012-2013)

Spanjollët rikuperuan humbjen në “San Siro”, në ndeshjen e parë, ku vendosën golat e Boateng dhe Muntari. Kthimi në Barcelonë mbaroi me rezultatin 4-0 për katalanasit, të cilët përmbysën disavantazhin në fushën e kuqezinjve.

PSG-CHELSEA (2013-2014)

PSG u shpërblye në ndeshjen e parë, në Paris. Fitorja 3-1 e francezëve erdhi nga golat e Lavezzi, Pastore dhe David Luiz, ndërsa për “Blues” realizoi Hazard. Në “Stamford Bridge”, të besuarit e Jose Mourinhos treguan karakter, duke fituar 2-0, me golat e Schurrle dhe Demba Ba. Kaq mjaftoi që londinezët të kualifikoheshin në gjysmëfinale.

ËOLFSBURG-REAL MADRID (2015-2016)

Real Madridi i Zidane humbi 2-0 në Gjermani, në ndeshjen e parë ndaj Ëolfsburg. Në “Santiago Bernabeu” shpërtheu Cristiano Ronaldo, me një “hat-trick”. Fitorja 3-0 mundësoi përmbysjen dhe kualifikimin më tej të “Los Blancos”.

PSG-BARCELONA (2016-2017)

Ndoshta përmbysja më e pabesueshme në Ligën e Kampionëve, sezoni 2016-2017. “Pokeri” i PSG në Paris u bë i pavlefshëm në kthim, në “Camp Nou”. Ishte përmbysja më e çmendur e mundshme, teksa parizienët humbën 6-1 në kthim. “Remuntada” erdhi falë tre golave në minutat e fundit të ndeshjes: dopietë e Neymar dhe Sergi Roberto.

BARCELONA-ROMA (2017-2018)

Verdhekuqtë humbën 4-1 larg, në fushën e Barcelonës, në ndeshjen e parë çerekfinale, por goli i Dzeko në Spanjë do të ishte vendimtar për kthimin. Në “Olimpico”, në fakt, Roma e trajnerit Di Francesco përmbysi gjithçka me fitoren 3-0, ku golat e Dzeko, De Rossi dhe Manolas siguruan kualifikimin. Kryeqytetasit italianë “fluturuan” në gjysmëfinale, pas një ndeshjeje nga më të paharrueshmet e historisë së Ligës së Kampionëve.