Juventus publikon listën për finalen me Lazion, grumbullon edhe Chiellinin

Juventusi ka publikuar listën e lojtarëve të grumbulluar për finalen e Superkupës kundër Lazios. Sfida do të luhet ditën e diel, prej orës 17:45, në Riad të Arabisë Saudite.

Rikthimi më i bujshëm është ai i Chiellinit. Mbrojtësi nuk është ende gati, por trajneri Sarri e ka grumbulluar për të qenë pjesë e ekipit për ta ndihmuar në aspektin mental.

Szczesny dhe Alex Sandro kanë dhënë sinjale pozitive në stërvitje dhe janë grumbulluar të dy për finalen e së dielës. Sarri ka grumbulluar 24 lojtarë duke u dhënë mundësi pjesës më të madhe të ekipit të shijoj një trofe të mundshëm.