Juventus rikuperon Ronaldon, por humbet yllin e sulmit për 15 ditë

Juventusi ruan kreun e renditjes në Serie A teksa ka filluar edhe përgatitjet për ndeshjen me Atletico Madrid në Champions League. Cristiano Ronaldo është stërvitur normalisht me pjesën tjetër të grupit.

Lajmet e këtij nuk mungojnë për trajnerin Sarri. Rabiot dhe Alex Sandro janë stërvitur veçmas, Ronaldo pritet të rikthehet në fushë në Champions League, pasi pushoi ndaj Atalantas. Megjithatë, ka një komunikatë për tri futbollistë.

Bernardeschi ka pasur një traumë, De Ligt ka bërë disa vizita pas problemit në shpatull, ndërkohë që Douglas Costa duhet të qëndrojë jashtë të paktën 15 ditë, duke u rikthyer te problemet e vjetra.