Kalendari i sezonit 2018-19 në La Liga, ja kur do të luhet “El Clasico”

Ditën e sotme është zbuluar kalendari për sezonin 2019-20, që fillon fundjavën e 18 gushtit dhe do të vazhdojë deri më 24 maj. Shorti i 38 javëve, për të dytin vit radhazi ka qenë asimetrik.

Barcelona do ta nisë mbrojtjen e titullit në “San Mamés” kundër Athletic Bilbaos, ndërsa Real Madridi do të debutojë kundër Celtas në “Balaídos”. Atletico Madrid do ta nisë me sfidën e shtëpisë kundër Getafes.

Sa i përket raundit të fundit, që do të luhet në javën e parafundit të majit, Barcelona do të përballet në transfertë me Deportivo Alaves, Real Madridi do të presë Leganes, ndërsa Atletico Madrid në “Ëanda Metropolitano” kundër Real Sociedadit.

Dy “El Clasico”-t e kampionatit mes Barcelonës dhe Real Madridit do të luhen në javën e 10-të me 27 tetor (Camp Nou) dhe më javën e 26-të, më 1 mars, në “Santiago Bernabeu”. Derbi Madrid do të zhvillohet në Wanda Metropolitano në javën 7-të (29 shtator) dhe në fazën e dytë në “Bernabeu” në javën e 22-të (2 shkurt).