Karantina e detyruar, Boldor dhe Ferati kanë mbyllur sezonin

Deian Boldor dhe Besnik Ferati mund të mos zbresin më në fushë gjatë këtij sezoni. Në bazë të ligjit për pandeminë, karantina duhet të përfundojë zakonisht 14 ditë pas shfaqjes së simptomave.

Në këto kushte, duke qenë se kampionati përfundon më 29 korrik, lojtarët mund të dalin në stërvitje vetëm pas datës 22 korrik. Boldor dhe Ferati mund të jenë të gatshëm vetëm në ndeshjen e fundit të javës së 36-të, Skënderbeu-Partizani, më 29 korrik.