Kasijas dhe Nojer shfaqen me fanellën e Juventusit

Çmimet dhe vlerësimet e nderit për Bufon nuk kanë të mbaruar. Pas 17 vitesh me fanellën e Juventusit, gardiani italian vendosi që të largohej. Shumë figura kanë nderuar Xhanluixhin për atë që ka dhënë te bardhezinjtë dhe te Italia në këto vite.

Sot Kasijas dhe Nojer, së bashku kanë veshur numrin 1, të një nga portierëve më të fortë të historisë s futbollit. Të dy kanë të shkruar në të “Un1co”, ose e përkthyer në shqip do të thotë “unik”.

Ky ishte një gjest vlerësimi për Bufon, i cili ka kaluar shumë breza të jashtëzakonshëm portierësh. /Koha Jonë/