Kastrati dhe Uzuni shënojnë dhe solidarizohen me të prekurit nga tërmeti

Lokomotiva Zagrebit triumfoi 4-0 në kampionat kundër Goricës, një fitore me aromë shqiptare, pasi protagonist të këtij suksesi ishin dhe Myrto Uzuni dhe Lirim Kastrati.

Do të ishte pikërisht Kastrati që do të çelte siparin e golave, teksa në momentin e festimit mori një bluze me mbishkrimin “Lutuni për Shqipërinë”. Myrtoz Uzuni vazhdon të shfaqë një formë të mirë dhe golin e realizuar ai ja dedikon të gjithë shqiptarëve të prekur nga tërmeti.

Titullarë në këtë sfidë ishin dhe Jon Mersinaj së bashku me Enis Cokaj, teksa minuta patin edhe për Indrit Tucin. Futbollistët shqiptarë që aktivizohen te Lokomotiva, kanë shprehur njëzëri ngushëllimet e tyre dhe lutjet e tyre shkojnë për të dëmtuarit dhe popullin shqiptar.