Kinezët befasojnë Napolin, dështon transferimi i Hamsik

Goditje e rëndë në shtëpi e Napolit, që ka bllokuar transferimin e Marek Hamsik në Kinë. Kur dukej se gjithçka ishte e realizuar për transferimin e sllovakut te ekipi i Dalian Yifag, gjithçka është anuluar.

Klubi italian në një njoftim për shtyp njoftoi se: “Ka vendosur që të anulojë shitjen e Marek Hamsik te kinezët për shkak të metodës së pagesës së shumës së transferimit, e cila nuk është e njëjtë me atë që ishte arritur fillimisht akordi”.

Hamsik pritet që të kthehet te ekipi i Napolit për të luajtur deri në fund të sezonit. /Koha Jone/