Klasifikimi i FIFA-s”: Shqipëria ngjit 6 shkallë, kryeson Gjermania, e ndjek Belgjika

Kombëtarja Shqiptare para ndeshjes miqësore me Francën, e cila do të luhet me 13 qershor në Elbasan Arena, ka ngjitur 6 pozicione në klasifikimin e FIFA-s.

Kombëtarja është ngritur ndjeshëm në renditjen më të re të FIFA-s, ndonëse nuk zhvilloi asnjë ndeshje gjatë muajit maj. Kuqezinjtë, në renditjen e muajit maj gjenden në pozitën e 51-të, gjashtë pozita më lart, në krahasim me muajin e kaluar.

Ekipi i Gianni De Biasit, ka 624 pikë.

Sa i përket renditjes së përgjithshme, kryeson Gjermania me 1775 pikë, e përcjellë nga Belgjika (1509) dhe Argjentina (1496).