Kohë rinovimesh te Barça. Messi? “Pleshti” firmos kur të dojë

Sporti E Martë, 21 Shtator 2021 11:11

Barcelona nuk e ka shkëlqimin e dikurshëm por vijon të jetë fituese, fundja në futboll kjo e fundit ka rëndësi. Ernesto Valverde ka ditur të ruaj balancat brenda grupit, drejtuesit e klubit kanë besim te trajneri dhe për këtë arsye i ofruan rinovimin e kontratës.

Palët kanë gjetur akordin duke bërë zyrtare zgjatjen e kontratës deri në vitin 2020, me opsion rinovimi edhe për një tjetër sezon. Një tjetër çështje që është diskutuar së fundmi në shtëpinë e Barcelonës është edhe kontrata e Lionel Messit.

[BEHIND THE SCENES] Leo Messi signs new contract

Kur flitet për “pleshtin” diskutimi ndryshon pasi për të ekziston gjithnjë një çek i bardhë ku argjentinasi vendos vetë çmimin dhe kohëzgjatjen e kontratës. Për të konfirmuar këtë ka menduar vetë presidenti Bartomeu:

“Kontrata e Messit është e vlefshme edhe për dy vite të tjera por duke parë atë që ai vazhdon të jap në fushë, mendoj se do të jetë me ne edhe për shumë kohë. Kur të ketë dëshirë mund të rinovojë kontratën, Messi do të jetë përjetësisht me ne”, theksoi numri një i klubit blaugrana.