Kosova mundet minimalisht nga Suedia në miqësoren e lujtur në Katar

Përfaqësuesja e Kosovës u mposht me rezultatin minimal 1-0 në takimin e parë për vitin 2020, miqësoren ndaj Suedisë, që u zhvillua në Katar.

Takimi iu vendos nga një gol i futbollistit që luan me Brondbyn në Danimarkë, Simon Hedlund, ndërsa të dy trajnerët patën mundësi të provojnë futbollistë gjatë 90-minutëshit.

Kosova do të luajë në mars ndeshjen e Play Off-it të Nations League, ku do të tentojë një vend në Kampionatin Europian të këtij viti, ndaj FFK-ja pritet t’i organizojë një tjetër ndeshje miqësore trajnerit Challandes, për të pasur mundësi të vlerësojë të gjithë futbollistët.