Kreshnik Qato tërhiqet përfundimisht nga boksi, personazhe të sportit dhe jo vetëm nderojnë ish-kampionin e botës

Ka një fund për gjithcka , edhe për ëndrrat më të bukura. Një nga boksierët më të mirë shqiptarë të dekadës së fundit vendosi të varë dorezat në gozhdë , për tu shkëputur përfundimisht nga boksi, nga ai ring të cilin e dashuroi që në fëmijëri.

Në nder dhe respekt të një kampioni të tillë u organizua një event enkas për këtë rast në të cilin morën pjesë personazhe të rëndësishëm të botës së sportit e politikës, por jo vetëm, prezent ishin edhe persona që e lidhën pasionin për boksin pikërisht me Kreshnik Qaton.

Fillimisht fjalën drejtori i federatës së boksit profesionist Hamdi Uka i cili vlerësoi me nota maksimale ish-kampionin e botës.

Më pas ishte ministrja e arsimit dhe sporteve Lindita Nikolla që në fjalën e saj e cilësoi Kreshnik Qaton si një shembull që duhet marrë në konsideratë nga i gjithë brezi i ri.

“Vlera të mëdha dhe mëse të merituara i dha Kreshnik Qato dhe një emblem e boksit shqiptar, ai njeri që cilësohet si boksieri më i mirë i të gjitha kohërave në vendin tonë”

Më tej në lidhje me Kreshnik Qaton u shpreh personi të cilit boksieri shqiptar i dedikon të gjithë suksesin e tij, medaljet dhe arritjet, presidenti i federatës shqiptare të boksit profesionist z.Ylli Ndroqi.

“Në fund ishte radha e vetë atij që me goditjet e tij i ka dhuruar emocione mbarë kombit shqiptar, duke e merituar me gjak mbishkrimin “shqiponja” kuqezi, ish-kampioni i botës në WBF Kreshnik Qato.”

Tashmë me tërheqjen e Qatos nga bota e mrekullueshme por e vështirë e boksit, Shqipëria ka një kampion më pak për tu krenuar në arenën ndërkombëtare, por gjithsesi ndihemi të privilegjuar që kemi qënë dëshmitarë të epokës të Kreshnik Qatos.