Kukësi solidarizohet me familjet e prekura nga tërmeti: Kurajo për të kaluar këto momente të vështira!

Kukësi ka shprehur ngushëllimet dhe dhimbjen e thellë për familjarët e viktimave të shkaktuara nga tërmeti i ditës së sotme në Durrës dhe Thumanë.

Përmes një statusi në rrjetin social “Facebook”, klubi verilindorë inkurajon të gjitha njerëzit dhe instancat shtetërore që janë përfshirë në operacionet e kërkim-shpëtimit.

“FK Kukësi u shpreh ngushëllimet dhe dhimbjen më të thellë familjarëve të viktimave të tërmetit të ditës së sotme në Durrës e Thumanë! Në këto momente, u gjendemi pranë dhe të plagosurve, duke u uruar shërim sa më të shpejtë!

Inkurajojmë të gjithë ata njerëz dhe instancat shtetërore që janë përfshirë në operacionet e kërkim – shpëtimit, që të bëjnë maksimumin që të prekurit ta kalojnë sa më lehtë këtë fatkeqësi natyrore. FK Kukësi do jetë gjithmonë pranë njerëzve në nevojë. Kurajo për të kapërcyer këtë moment të vështirë !,” shkruan Kukësi në reagimin e tij në rrjetet sociale.