Kukësi zyrtarizon afrimin e portierit nga ekipi i SPAL

Kukësi nuk ka ndërmend të ndalet në merkaton e janarit. Skuadra verilindore ditën e sotme ka zyrtarizuar afrimin e portierit Maurice Gomis.

Bëhet fjalë për një portier 21-vjeçar, italo-senegalez, i cili është në pronësi të SPAL-it në Serinë A, aty ku luan një nga vëllezërit e tij, Alfred. Gomis pati eksperiencën më të tmerrshme të jetës, sepse në shtator u përfshi në një aksident rrugor ku mbeti i vdekur shoferi, punonjës i stafit drejtues të Sirakuzës.  Vetë Maurice ishte me fat, plagë të lehta dhe vetëm 20 ditë pushim absolut.

21-vjeçari është afrimi i fundit në ekipin e Kukësit ,pas zyrtarizimeve të Rroca, Shkurtaj, Xhemaili,Teqja dhe Rama.