Laçi shkatërron Flamurtarin dhe merr vendin e katërt në renditje

Laçi është rikthyer në rrugën e fitoreve në Kategorinë Superiore. Skuadra kurbinase ka fituar me lehtësi 3-0 ndaj Flamurtarit, duke u ngjitur në vendin e katërt me 22 pikë.

Pas një pjese të parë me pak raste shënimi, në fillimin e së dytës, Laçi gjeti golin e avantazhit me Shehun. Në minutën e 58-të, vendasit fituan një 11-metërsh, që do të kthehej në gol nga Nwaubueze, i cili nuk falë nga pika e bardhë duke mposhtur Moçkën.

Më pas 7 minuta nga fundit, Braziliani Teco arriti që të realizonte edhe golin e tretë, të cilin ja dedikoi të prekurve nga tërmeti i 26 nëntorit. /R.Lika-Koha Jone/