Liverpooli i Klopp i pandalshëm, Tottenham shkatërron Burnley-in (VIDEO)

Liverpooli s’ka ndërmend që të ndalet në Premier League, duke shkatërruar kundërshtarët që i dalin përballë javë pas jave. Të kuqtë sot mundën 3-0 në transfertë Bournemouth-in. Oxlade-Chamberlain zhbllokoi rezultatin pas 35 minutave lojë përpara se Keita të dyfishonte pak sekonda para fundit të pjesës së parë. Pas pushimit Mo Salah ka shënuar golin që ka vulosur fitoren për kryesuesit e Premier League që tani kanë shkuar në kuotën e 46 pikëve.

Tottenham ndërkohë mori një fitore spektakolare 5-0 ndaj Burnley-it. Harry Kane spikati me dy gola të shënuar, ndërkohë që Son shënoi një nga golat më të bukur të historisë së futbollit duke dribluar të gjithë ekipin kundërshtar. Lucas Moura dhe Sissoko ishin dy autorët e tjerë të golave që kompletuan suksesin 5-0.