Liverpooli rigjen fitoren në Premier League, mund me përmbysje Bournemouth (VIDEO)

Liverpooli është rikthyer te fitoret në Premier League pas disfatës kundër Watfordit. Skuadra e Jurgen Klopp triumfoi 2-1 me përmbysje kundër Bournemouth.

Ndeshja nisi në “malore” për kampionët e Europës që e panë veten në disavantazh që nga minuta e 9-të. Pas një aksioni të bukur të miqve, Callum Wilson e pati të thjeshtë për ta shtyrë topin në rrjetë.

Reagimi i Liverpoolit është i shpejt, teksa në të 25-n, Mane rrëmben një top në hyrje të zonës dhe më pas shërben për Salah, i cili do të realizonte me goditjet e tij karakteristike me të majtën.

8 minuta më pas Van Dijk shërbeu një asist fantastik për Mane. Senegalezi nuk do të gabonte përballë portierit. Kjo ishte fitorja e 27-të në 29 ndeshje, duke u ngjitur në kuotën e 82 pikëve, 25 më shumë se City, por me dy ndeshje më shumë të luajtura. /R.Lika-Koha Jone/