Liverpooli shkatërron Evertonin dhe blindon kreun, shënon edhe Shaqiri (VIDEO)

Liverpooli nuk njeh kundërshtarë këtë sezon në Premier League. Skuadra e Jurgen Klopp ka fituar pa shumë probleme 5-2 derbin ndaj Everton, në një duel që dhuroi gola dhe emocione.

Pjesa e parë ishte një spektakël më vete, duke dhuruar 6 gola. Pas një kundërsulmi të shpejt Origi zhbllokoi ndeshjen që në minutën e 6-të. Më pas do të ishte radha e Shaqirit, i cili gjeti rrugën e rrjetës, pasi u shërbye mjaft mirë nga Mane.

Everton reagoi me Michael Keane, ndërkohë që disa minuta më pas Origi realizoi golin e tretë, para se Sadio Mane të shënonte të katërtin për të kuqtë. Në shtesën e pjesës së parë, Richarlison shkurtoi diferencën, por në fraksionin e dytë nuk arritën që të gjenin një tjetër gol. “The Reds” shënuan golin e 5-të në fundin e kohës së rregullt me Wijnaldum. Pas 15 javëve të para, Liverpooli ka fituar 14 ndeshje dhe ka barazuar vetëm në një rast. /R.Lika-Koha Jone/