Manaj është i pafat, dëmtohet në stërvitje nga Muntari

Rey Manajn po e ndjek fati i keq. Sulmuesi i kombëtares sonë ka pësuar një dëmtim në stërvitjen e sotme. Ai ka lënë seancën stërvitore përgjysmë dhe pritet të mësohet edhe shkalla e dëmtimit. Shkak për këtë është bërë një ndërhyrje e ish-mesfushorit të Milanit, Suley Muntari.

Për Manajn ky është dëmtimi i dytë, pas atij që pësoi në takimin ndaj Granadës, ku humbi dhe ndjenjat në fushë. Aktualisht lushnjari ka realizuar 5 herë në kampionat me Albacete-n, duke e ndihmuar këtë të fundit të gjendet në krye të renditjes.