Mariano Diaz drejt largimit nga Reali, Roma e do që në janar

Mariano Diaz do të largohet nga Real Madridi. Prej 1 viti e gjysmë, sulmuesi më shumë ngroh stolin sesa jep kontributin në fushë për arsye të ndryshme, ndërsa Zidane as që e konsideron si pjesë të skuadrës.

Menaxheri i 27-vjeçarit konfirmoi se Diaz do të largohet në janar në huazim për 2 sezone, por nuk e zbuloi skuadrën e ardhshme, ndërsa shtypi aludon se do të jetë Roma.

Transferimi në formë huazimi bëhet për të lehtësuar largimin e tij nga Madridi, por paga prej 4 milionë eurosh neto në sezon ka ndaluar interesimin e disa ekipeve.