Marotta: Gabimi më i rëndë i sistemit VAR, mirënjohje për Icardin

Administratori i deleguar i Interit, Marotta e konsideron një gabim të rëndë episodin e shënuar në finalen e sfidës Fiorentina-Inter.

“Kemi pësuar një dëm të pakorrigjueshëm, do të kishte qenë ndryshe situata nëse vendimi i arbitrit do të kishte ardhur pas minutës së pestë të lojës. Jam i indinjuar, sepse futbolli italian ka implementuar sistemin VAR me qëllimin e vetëm për të ulur marzhin e gabimeve njerëzore, por me sa duket i gjithë sistemi duhet riparë.

Për Interin ky është një dëm që nuk zhbëhet dot dhe shpresoj që të mos rezultojë fatal në objektivat e rezultateve që duam të arrijmë. VAR-i duhet të garantojë vendime objektive, prandaj gabimi i Abissos është i pabesueshëm, ndoshta më i madhi që kur kemi futur teknologjinë në lojë. Dhe nuk dua të justifikoj askënd me idenë e presionit të ndeshjes dhe tensionit, duhet parë me vëmendje pozicioni i atyre që mbajën përgjegjësi për një episod të tillë.

Sa u takon deklaratave të Wanda-s? Duke parë ndeshjen e fundjavës ndaj Fiorentinës, dua të theksoj mirënjohjen time për të gjithë skuadrën e Interit. Për Icardin kam vetëm një këshillë përgjithësuese, u fol shumë për këtë çështje, është më mirë nëse ndalojmë së foluri”, deklaroi Marotta.