Mbappe refuzon rinovimin me PSG, ka gati plane të tjera

Kylian Mbappe ka refuzuar të rinovojë me PSG-në. Klubi francez donte të zgjaste kontratën e 20-vjeçarit për t’u mbrojtur nga ndonjë ofertë e mundshme, por talenti i ka refuzuar.

Kampioni i botës synon që në verën e vitit 2020 të shitet drejt një tjetër kampionati dhe Real Madridi është në krye të listës së ekipeve që e kërkon. Madrilenët e duan me patjetër dhe janë gati të bëjnë çmenduri vitin e ardhshëm duke formuar sërish një ekip galaktik me ardhjen e Mbappe-s.

Talenti francez do të preferonte një skuadër më të madhe që mund t’i japë mundësinë për të fituar “Topin e Artë”, duke i dhënë fund dominimit të Messit dhe Ronaldos.