Mbrojtësi i kombëtares sonë firmos për ekipin e njohur në Seria A

Kastriot Dermaku është futbollisti më i ri i Parmës. Mbrojtësi i kombëtares sonë ka firmosur me skuadrën emiliane sipas gazetarit të njohur Gianluca Di Marzio. Transferimi i tij vjen pa asnjë kosto për skuadrën e Seria A, pasi mbrojtësit shtatlart i kishte përfunduar kontrata me Cosenzën.

Dermaku ka bërë një progres të madh në karrierë, pasi në harkun e 3 sezoneve do të kalojë nga Seria C në elitën e futbollit italian. Pas sezoni fantastik në Seria B me 32 ndeshje aktivizim dhe një gol të shënuar, tashmë do të provojë që të lërë gjurmë edhe në Seria A.