Memolla braktis kombëtaren për Salernitanën, Tare bind Rejën

Hysen Memolla mori një ftesë nga kombëtarja jonë për dy ndeshjet eliminatore të “Euro 2020”. Mbrojtësi që aktivizohet në Seria B te Salernitana, këto ditë do të luajë ndeshjet e fazës “plafy-off” ndaj Foggias.

Sipas faqes pranë klubit “Salernitananews.it”, presingu i klubit granata ka funksionuar, falë edhe raporteve që Igli Tare ka me federatën shqiptare, apo me trajnerin Edy Reja.

Në këtë mënyrë Memolla pavarësisht se është vendosur në listën e Rejës, nuk do të jetë pjesë e grumbullimit për dy ndeshjet ndaj Islandës dhe Moldavisë. /R.Lika-Koha Jone/