Milani sfidon Interin dhe Juven për mbrojtësin e Tottenhamit

Milani është në kërkim të një mbrojtësi qëndror me eksperiencë. Kuqezinjtë janë vënë në kërkim të një mbrojtësi pasi Caldara, pavarësisht rikuperimit, nuk është ende gati për të zbritur në fushë, kështu që duhet një alternativë për t’ia bashkuar Musacchios e Romagnolit.

Rruga që të çonte te Demiral duket se është bllokuar sërish, pasi turku, edhe pse nuk preferohet nga Sarri, kushton shumë, dhe Juventusi nuk pranon ulje, pasi në garë për të janë edhe Manchester United e Arsenali.

Duke parë situatën e krijuar, drejtuesit kuqezi po shikojnë variante të tjera. Objektivi i klubit nga Milanello është Toby Alderweireld, qendërmbrojtësi i Tottenhamit, kontrata e të cilit me “Spurs”-at është pranë skadencës, por për të arritur te belgu, ekipi i Piolit duhet të mposhtë konkurrencën e Interit dhe Juventusit.