Miranda te Inter, transferimi çështje ditësh

Mbrojtësi i Atletico Madridit, Miranda, ka bërë të ditur se në ditët në vijim do të kalojë te Interi.

Qe disa javë mediat janë duke raportuar se braziliani do t’u bashkohet Nerazzurrëve dhe tashmë ai e ka konfirmuar këtë.

“A do të shkoj te Interi? Ndoshta…”, ka thënë 30-vjeçari duke qeshur.

“E ardhmja ime do të vendoset brenda pak ditësh”, ka shtuar Miranda.

Qendërmbrojtësi po luan te Atletico që nga viti 2011, ndërsa në të kaluarën ka bartur fanellat e klubeve, si Coritiba, Sau Paulo dhe Sochaux.