Mourinho analizon derbin Milan-Inter, ja kë sheh si favorit strategu zikaltër

Këtë fundjavë do të luhet derbi i Madoninës, i cili premton spektakël të premten në mbrëmje. Në një intervistë për “Russia Today”, Jose Mourinho ka analizuar këtë ndeshje.

“Në fundjavë është derbi i Milanos. Milan-Inter ose Inter-Milan nuk ka ndryshim, është gjithmonë i njëjti stadium, por tifozët e Milanit do të jenë më shumë se ato të Interit këtë radhë.

Është e rëndësishme jo vetëm për shkak se është një derbi, por edhe për katër vendet e para. Juventus është shumë larg, Interi e nisi në fillim te sezonit me qëllim të përfundojë sa më të lart që është e mundur, por tani po luftojnë për të mbajtur pozicionin e katërt.

Milan është përmirësuar shumë gjatë sezonit dhe tani është në vend të tretë, por Interi është i katërti dhe Roma e pesta, ata janë të gjithë një pikë larg. Vetëm Napoli është i sigurt, ky derbi do të jetë i rëndësishëm sepse do të thotë shumë për kualifikimin në Ligën e Kampionëve. Për kë bën tifozllik Mourinho? (qesh) “Vërtetë pyesni për këtë? Natyrisht për sluadrën zikaltër të Milanos”, tha Mourinho për “Russia Today”.