Mourinho drekon me Marotta-n, gati rikthimi tek Interi

Jose Mourinho është me pushime që prej shkarkimit nga puna te Manchester United. Edhe pse në sezonet e fundit nuk ka mundur që të ketë shumë suksese te ekipet që ka drejtuar, ai mbetet një ndër trajnerët më karizmatik.

Për këtë arsye, duket se Interi nxiton, sepse në Itali raportohet për kontakte me agjentin Jorge Mendes dhe sot lajmi i bujshëm se portugezi është në Milano, për të drekuar me drejtorin e Interit, Beppe Marotta.

Mourinho është një legjendë tek Interi, sepse në vitin 2010 fitoi tripletën e famshme, kampionat, kupë e Champions League. Rezultatet e dobëta të Spalletit në ndeshjet e fundit mund të përshpejtojnë emërimin e Mourinhos para kohe në krye të Interit.