Ndoj rikthehet nga dëmtimi dhe gjen rrugën e rrjetës te Brescia (VIDEO)

Një tjetër lajm i shkëlqyer vjen nga Italia për trajnerin e Kombëtares Edy Reja. Bëhet fjalë për Emanuele Ndoj, 24-vjeçarin mesfushor te Brescia. Një lojtar i talentuar, por që kur mendohej se mund të shkonte drejt një ekipi më të madh se ai i Serisë B ku është rritur, pësoi një dëmtim të rëndë.

Pas 21 ndeshjesh mungesë, Ndoj u rikthye në fushë dhe u shndërrua menjëherë në protagonist. I futur si zëvendësues në pjesën e dytë, Ndoj ishte autori i golit të vetëm që vulosi ndeshjen ndaj rivalëve direkt të Frosinones, në minutën e fundit të kohës shtesë.

Një gol i rëndësishëm për ekipin por edhe fundi i makthit për shqiptarin, që tani mund të shohë më qetësisht planet për të ardhmen e tij.

https://twitter.com/i/status/1370796149704122372