Neymar në “luftë” me PSG, nuk paraqitet në stërvitje

Mes PSG dhe Neymar ka një luftë totale. Futbollisti brazilian, i cili ëndërron një rikthim te Barcelona, nuk i është përgjigjur grumbullimit të klubit francez. Skuadra e Tuchel ka nisur përgatitjet për sezonin e ri, por Neymar duket se nuk ka dëshirë për t’u bashkuar me pjesën tjetër të ekipit.

“Kemi zbuluar se Neymar nuk është prezantuar në orën dhe në afatin e dakorduar. Ai nuk ka marrë asnjë autorizim. Klubi e dënon situatë dhe do ta marrë të gjitha masat”, shkruan klubi parizien.

Në këtë mënyrë vijon situata e pazakontë me Neymar, për të cilin foli edhe presidenti i Barcelonës pak ditë më parë: Dëshiron të largohet, por PSG nuk e shet”. /Koha Jone/