Nga Spanja, Ronaldo rrezikon 10 vite burg për evazion fiskal

Kristiano Ronaldo vijon të shënojë me Realin dhe Portugalinë, por nuk i ndahen as problemet për evazionin fiskal. Lajmin e kanë dhënë mediat spanjolle, që zbulojnë se ka nisur një hetim i thellë në dëm të sulmuesit të Real Madrid. “Cadena Ser” ka folur me palën mbrojtëse të portugezit, që ka konfirmuar akuzën e ngritur nga gjykata në Alcoron.

Ronaldo akuzohet se ka shkaktuar një dëm prej 14.7 milionë eurosh në 4 vite. Sulmuesi i Real Madrid është akuzuar edhe më parë për evazion fiskal. Portugezi ose duhet të paguajë një shumë të majme, ose rrezikon që të dënohet 10 vite.