“Nuk zbres në fushë”, klubi turk prish kontratën me lojtarin e njohur

“Në këtë moment epidemie botërore, e mira është që të qëndrojmë me familjarët në shtëpi dhe të mos mendojmë për futboll. Nuk është një situatë normale”.

John Obi Mikel, ish-futbollisti i Chelsea, përdori këtë fjali teksa nuk pranoi të zbriste në fushë në ndeshjen e fundit që Trabzonspor zhvilloi ndaj Basaksehir, e barazuar 1-1, në një stadium të boshatisur.

Afrikani nuk donte të luante dhe nuk luajti, pasi kishte frikë përhapjen e Covid-19. Sot ka ardhur edhe vendimi i bordit të klubit, teksa kanë prishur kontratën me lojtarin në mënyrë konsensuale, 14 muaj përpara përfundimit normal të afatit të firmosur një vit më parë.