Partizani merr fitoren e parë në miqësore, mund Krakovian me Cardoson (VIDEO)

Pas dy humbjeve në miqësoret e para, Partizani ka arritur një fitore minimale 1-0 ndaj Krakovias. Goli i Lucas Cardosos në pjesën e dytë mjaftoi për të vendosur rezultatin përfundimtar të këtij takimi, vetëm pak ditë para mbylljes së fazës përgatitore në Slloveni.

Takimi që nisi në një orar të pazakontë, në 10:30. Në formacionin titullar të të kuqve binte në sy mungesa e Lorenc Trashit, në vend të të cilit ishte preferuar shkodrani Hakaj. Pjesa e parë u mbyll në barazim pa gola.

Fraksioni i dytë nisi me të njëjtin formacion, ndërsa ndryshimet erdhën në minutën e 68-të, me Hoxhën, Çinarin dhe Asani që ua lanë vendet Livio Malajt, Mensah dhe Cardozos. Pikërisht ky i fundit, shënoi edhe golin për të kuqtë në minutën e 74-t të takimit. Trajneri Lerda u dha mundësinë e aktivizimit edhe Brojas dhe Kodrës në vend të Hilës dhe Kotes.