Partizani pëson një humbje të turpshme ndaj Beslidhjes, Kukësi fiton (VIDEO)

Faza e 1/8-ve në Kupën e Shqipërisë ka rezervuar surpriza të mëdha në ndeshjet e para. Padyshim mbi të gjitha spikat humbja e rëndë 3-0 e Partizanit në transfertë ndaj Beslidhjes. Skuadra lezhjane ka gjetur 3 herë rrugën e rrjetës me Bushin 13’, Jovanovic 26’ dhe Fetaj një minutë nga fundi i pjesës së parë.

Të kuqtë ndërkohë nuk arritën që të shënonin qoftë një gol nderi në fraksionin e dytë. Në Tiranë, ekipi i drejtuar nga Adolfo Sormani duhet të fitojë me 4 gola diferencë për të kaluar në turin tjetër.

Por surprizat nuk u mbyllën me kaq, teksa Apolonia fitoi 3-0 ndaj Luftëtarit në ndeshjen e parë të luajtur në Fier. Tirana ka arritur të fitojë me rezultatin 3-1 ndaj Kastriotit. Golat për bardheblutë, të cilët kaluan në disavantazh që në minutën e 10, u shënuan nga Dunga dhe Muçi (2 herë).

Skënderbeu fitoi 2-0 në transfertë ndaj Besës së Kavajës duke hedhur një hap drejt kualifikimit. Kukësi fitoi 1-0 në tranfertë ndaj Lushnjës me një gol të shënuar nga Maliqi në minutën e 19-të.

REZULTATET

Besëlidhja-Partizani  3-0

Vllaznia-Flamurtari  2-2

Lushnja-Kukësi        0-1

Erzeni-Teuta             1-3

Besa-Skënderbeu   0-2

Kastrioti-Tirana         1-3

Apolonia-Luftëtari    3-0