Penalltia e dyshimtë për prekje të topit dorë të Hysajt, shkodrani “tërbohet” me arbitrin (VIDEO)

Në Itali vijojnë të përdorin VAR për të dhënë penallti shumë të dyshimta. Një e tillë është dhënë edhe në duelin që Napoli po luan ndaj Perugias. Në shtesën e pjesës së parë, Hysaj arrin të ndalë një top që po shkonte në zonë fillimisht me këmbë dhe më pas i shkon në dorë.

Arbitri pasi u konsultua me teknologjinë vendosi që të akordonte penallti, edhe pse shpesh herë ka pasur shumë polemika për këto raste, kur topi shkon në dorë pasi prek një pjesë të trupit.

Shkodrani nuk e priti aspak mirë vendimin e tij, teksa protestoi aq ashpër pas pjesës së parë sa u desh ndërhyrja e Gattusos për ta qetësuar. Penalltia do të ndalej nga portieri i Napolit Ospina.