Pioli: Sfidë e rëndësishme ndaj Atalantës, rikthehet Maignan

Milan-Atalanta të dielën në mbrëmje, është ndeshja më interesante e javës në Serie A. Trajneri i kuqezinjve, Pioli, konfirmoi rikthimin e Maignan, ndërkohë që e cilësoi si një duel interesant për renditjen.

“Është një ndeshje shumë e rëndësishme, sepse renditja për vendin e katërt është shumë e shkurtër. Pres një sfidë të vështirë sepse Atalanta është një skuadër fizike, e dueleve dhe kundërsulmeve.

Maignan do të nisë sfidën si titullar. Ai ishte portieri më i mirë sezonin e kaluar, bën mirë në shumë situata të ndryshme. Maignan nuk ka luajtur për pesë muaj, është mirë, por edhe atij do t’i duhet kohë për t’u rikthyer në nivelin e tij.

Ibrahimovic po bëhet gjithnjë e më mirë, Calabria dhe Bennacer nuk do të jenë të disponueshëm, por do të kthehen të mërkurën. Florenzi është rikthyer me skuadrën”, tha Pioli.