Plani i çmendur i Juventusit, kërkon edhe yllin e mesfushës së Realit

Juventus kërkon të ndërtojë një mesfushë të frikshme për sezonin e ardhshëm. Skuadra bardhezi nuk ka mbyllur vetëm me Kulusevskin dhe Arthur, teksa plani i Sarrit është që të afrojë edhe një tjetër yll.

Jorginho qëndron në krye të listës së dëshirave të strategut italian, por Chelsea po bën rezistencë me Lampard. Sipas asaj që shkruan “Don Balon”, tashmë kampionët e Italisë kanë shfaqur interes për yllin e Real Madridit, Toni Kroos. Ky i fundit i pëlqen shumë Sarrit, i cili dëshiron ta ketë në ekipin e tij për sezonin e ardhshëm.

Gjermani do të formonte një trinom fantastik me Arthur me Bentancur, duke rritur ndjeshëm kualitetin e skuadrës bardhezi, që ka vuajtur në këtë repart gjatë këtij sezoni. /Koha Jone/