Plas sërish dhuna në futbollin shqiptar, në Peqin sulmojnë me grushta arbitrin (VIDEO)

Dhunën në Shqipëri nuk e ndal as ligji i ri për sportin. Takimi i javës së 11-ë midis Shkumbinit dhe Dinamos është mbyllur në mënyrën më të shëmtuar teksa disa tifozë peqinas kanë zbritur në fushë kanë sulmuar me grushta gjyqtarit kryesor të sfidës Sokol Bebja.

Revoltimi erdhi për shkak të pretendimeve të skuadrës së Shkumbinit dhe tifozëve të tij në lidhje me gjykimin e Bebjas. Ai është nxjerrë me vështirësi jashtë stadiumit.

Takimi mes Shkumbinit dhe Dinamos ka qenë tepër i tensionuar dhe në fushë teksa janë marrë 3 kartona të kuq dhe plot 8 të verdhë. Sipas ndryshimeve në Kodin Penal të Republikës çdo person që dhunon gjyqtarin apo çdo zyrtar tjetër të takimit dënohet me 1-3 vite burg.