Po kërkon shtëpi në Madrid, Reali bën gati një tjetër super blerje

Reali nuk ka ndërmend që të ndalet në merkato. Los Blancos tashmë janë në kërkim të një mesfushori të njohur për sezonin e ardhshëm. Duke parë vështirësitë e operacionit për të rrëmbyer Paul Pogba, tashmë po kanë kaluar në planin B.

Bëhet fjalë për mesfushorin e Totenhemit, Christian Eriksen. Sipas të përditshmes “AS”, mesfushori danez është duke kërkuar shtëpi, në kryeqytetin spanjoll. Për 27-vjeçarin, Reali interesohej edhe një vit më parë por nuk arritën një marrëveshje në atë kohë.

Edhe vetë lojtari ka shprehur dëshirën për t’u larguar nga Londra. Për lojtarin, Florentino Perez, pritet të paguajë 100 milionë euro në arkat e Tottenhamit.