Po shkëlqen me Veronën, Kumbulla merr çmim nga Bashkia në Itali (VIDEO)

Marash Kumbulla është vlerësuar me një çmim mirënjohje nga vetë Xhovani Dal Cero, kryebashkiaku i “Castelnuovo del Garda”, një qytet i vogël pranë Veronës, aty ku është rritur Marashi.

“Administrata komunale i jep Marash Kumbullës këtë çmim mirënjohje, për debutimin e tij në Serie A. Me sakrificë, këmbëngulje, dedikim dhe përkushtim, ka transformuar një ëndërr në realitet”, shkruhet në fletën e mirënjohjes dhënë nga komuna për Kumbullën.

Vetë mbrojtësi u shpreh i vlerësuar për këtë çmim të marrë ditën e sotme. “Një nder i madh për mua. Shpresoj që të jem një shembull për shumë djem të tjerë që kanë këtë ëndërr si unë”. Klubi i Veronës e ka uruar 19-vjeçarin për këtë çmim të marrë.