Pogba e Evra nesër në fushë, për të shmangur humbjen e Francës

Ju nuk jeni profesionistë,” – ishte ulërima e trajnerit të Francës Didier Deschamps para lojtarëve të tij në pushim të ndeshjes miqësore të javës së kaluar me Belgjikën, që francezët e humbën 2-0.  nga “Stade de France” Franca rikthehet për një miqësore tjetër ndaj Shqipërisë, nesër ora 18.00, në “Elbasan Arena”. – “Më keni surprizuar sepse kujdeseni më tepër të stilin e flokëve sesa për ndeshjen,” – theksoi trajneri Deshpams para lojravë të tij pas humbjes me belgët.  Blutë janë mundur nga të besuarit e Marc Vilmots, 4-3, në një miqësore të javës të kaluar, para e të udhëtonin drejt Shqipërisë, për miqësoren e radhës. Këtë të shtunë, Franca ka shansin të rikuperojë pas dy humbjeve radhazi brenda në shtëpi që pas disfatës 4-0 që pësoi në vitin 1982 me Poloninë, nëse nuk mundet edhe nga Shqipëria në Elbasan, para se të nisë pushimet e verës.  Pol Pogba dhe Patrcie Evra, dy lojtarë të Juves, pas finales së Champions League rikthehen në formacionin bazë të Francës në përballjen me Shqipërinë. Futbollisti i Arsenalit Olivier Giroud i cili ka zhgënjyer deri tani me formacionin e Deschamps, mbetet në dilemë. Futbollisti 28-vjeçar megjithatë ka të ngjarë të zërë vendin e të dëmtuarit Karim Benzema. Ish-lojtarë të PSG, Christophe Jallet e Mamadou Sakho parashikohet që të dy të rikthehen në XI-shen bazë. Franca do të luajë me tre sulmues teksa në diskutim janë  Dimitri Payet i  Olympique de Marseille dhe Nabil Fekir Lyonnais. Alexandre Lacazette parashikohet gjithashtu të luajë në Elbasan, sikurse sulmuesi i  Atletico Madrid, Antoine Griezmann. Franca do të luajë me lojtarët e saj më të mirë, për të shmangur humbjen apo qoftë edhe barazimin me Shqipërinë. Një humbje e mundshme në Elbasan mund të rikthente pesimizëm në radhët e “Gjelave”  në prag të Euro 2016, për skuadrën pritëse të këtij turneu.