Reali në kërkim të zëvendësuesit të Ramos, ja dy emrat që kërkon

Sergio Ramos po mendon për t’u larguar nga Real Madrid, teksa klubi merengues po mendon për zëvendësuesin e tij. Sipas gazetës “AS”, “Los Blancos” janë në kërkim të një mbrojtësi të një niveli të lart për sezonin e ardhshëm, pasi vetëm me Varane, Militao, Nacho dhe Vallejo, rrezikojnë të shfaqin shumë dobësi në mbrojtje.

Në listën e “Los Blancos”, në dëshirat kryesore janë mbrojtësi i Napolit, Kalidou Koulibaly, i cili ka një vlerë 70 milionë euro. Objektiv gjithashtu është edhe 19-vjeçari i Ajax-it, Matthijs De Ligt.

Një operacion aspak i thjeshtë, pasi në “pole positions” për transferimin e tij është Barcelona, ndërkohë që agjenti i tij Mino Raiola nuk ka marrëdhënie të mira me drejtuesit e Realit. /R.Lika-Koha Jone/