Refuzoi Shqipërinë për Greqinë, Durmishaj kërkohet nga gjiganti turk

Fiorin Durmishaj do të jetë pjesë e kombëtares së Greqisë, duke nisur që në takimet e Marsit.

Ish talenti i kombëtares U-21 të Shqipërisë zgjodhi kombëtaren e vendit fqinj për tu paraqitur në evenimentet e mëdha të futbollit botërorë, duke “sfumuar” në këtë mënyrë interesin e Federatës Shqiptare të Futbollit.

Kjo zgjedhja e ka kthyer Durmishaj në një lojtar jo shumë të pëlqyer në radhët e futbolldashësve, por kjo nuk e ka ndalur gjigantin turk, Fenerbahce që të nis sulmin për 22 vjeçarit.

Sipas mediave turke, verdhezinjtë janë të gatshëm të tentojnë firmën me Durmishaj që në merkaton e verës. Megjithatë më parë duhet të mposh konkurencën e Olympiacos që e kërkon shqiptarin prej kohësh.