Reina drejt Milanit, Donaruma bën gati “valixhet” në verë

Milani ka në plan që të largojë Donarumën në fund të sezonit. Ardhja e Pepe Reinës e ka bërë thuajse të sigurt largimin e portierit të talentuar.

Portieri spanjoll do të largohet nga Napoli më 30 qershor dhe do të bashkohet me Milanin për një kontratë 3-vjeçare, duke përfituar 3 milionë euro neto në sezon. Donaruma ndërkohë do të larghet pavarësisht se rinovoi kontratën në verën e vitit të kaluar. Mino Raiola përsëriti disa javë më parë mendimin e tij se 19-vjeçari,  nëse do të rritet, duhet të largohet nga Milani.

Klubi kuqezi, në këtë pikë është gati ta lërë xhevahirin e tij, nëse Raiola sjell një ofertë prej të paktën 60 milionë euro nga një klubi i nivelit të lartë europian. Juventus, Real, PSG janë disa nga skuadrat e interesuara që janë të gatshme që të përfitojnë në këtë rast. /Koha Jonë/