Ronaldo dhe Georgina martohen fshehurazi në Marok?

“Ronaldo dhe Georgina janë bërë burrë e grua”. Ky është lajmi që kanë publikuar sot mediat italiane. Zbulimi vjen nga revista “Novella 2000”, e cila bazohet në disa fakte kuriozë, kur e shkruan këtë gjë. Duke u nisur nga lokacioni.

CR7 dhe Georgina Rodriguez i kanë thënë “po” njëri-tjetrit në Marok, në një ceremoni larg syve të mediave apo fansave. Pas zërave të përsëritur, që datojnë një vit më parë për një martesë të mundshme të afërt të çiftit të njohur, duket se ka ndodhur një kthesë e papritur.

Çifti thuhet se ka zgjedhur Marokun për t’u martuar. Shtysë e madhe e këtij vendimi duket të jetë nëna e Cristiano, Dolores Aveiro, e cila dëshironte që lidhja e djalit të saj të kuorëzohej me martesë.