Sadiku shënon që në ndeshjen e parë si titullar me Luganon (VIDEO)

Armando Sadiku rikthehet në identitet, duke rigjetur rrugën e rrjetës. Sulmuesi i kombëtares ka realizuar në fitoren 3-0 të skuadrës së tij ndaj Luzernës.

Ndeshja e parë si titullar, duket se i ka sjellë fat elbasanasit. Në minutën e 32-të, Sadiku shënoi golin e parë, që zhbllokoi shifrat, duke shkuar në shtyllën e dytë, dhe me kokë nuk fali nga pak metra larg portës.

Bomberi shqiptar u zëvendësua në pjesën e dytë nga trajneri duke mos rrezikuar shumë, pasi ai luan nga minuta e parë pas disa muajsh.