Sergio Ramos takon presidentin dhe i kërkon largimin

Situata vazhdon të jetë e tensionuar te Real Madridi.

Sikur mos mjaftonte ftohja e trajnerit Zidane me Gareth Bale, tani ajo që po i shqetëson më së shumti të gjithë është krisja mes Sergio Ramosit dhe presidentit, Florentino Perez.

Sherri mes tyre ka nisur pas skualifikimit të Realit, ndaj Ajaksit, në Ligën e Kampionëve.

Përpara dy ditësh, “AS”, raportoi se Ramos ka kërkuar largimin nga skuadra.

Ndërkaq sot, “Jugones”, një media tjetër në Spanjë raporton, se kapiteni ka patur një takim me presidentit dhe i ka kërkuar letrat e tij, për ta lënë të lirë.

Mësohet Perez e ka refuzuar këtë gjë dhe nuk e ka lejuar Ramosin të largohet, por spanjolli ka një ofertë të parezistueshme nga Kina dhe e ka vendosur.

Priten me interes zhvillimet te kampi madrilen, pasi ky sezon ka sjellë shumë surpriza negative për kampionët e Europës.